مدرسة عثمان بن عفان الابتدائية بامبابة

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

تربوى - تعليميى - تنمية مهنية للمعلمين - قوانين وأخبار التعليم

عزيزي العضو - عزيزي الضيف

شارك معنا على موقع المدرسة الجديد

على الرابط التالي:

http://kenanaonline.com/osmanschool


    اروع نشيد لمصر

    شاطر
    avatar
    أفضل صديق
    المدير العام
    المدير العام

    ذكر
    عدد المساهمات : 554
    نقاط : 1611
    تاريخ التسجيل : 20/11/2009
    31012010

    اروع نشيد لمصر

    مُساهمة من طرف أفضل صديق

    [ندعوك للتسجيل في المنتدى أو التعريف بنفسك لمعاينة هذه الصورة]
    على اسم مصر التاريخ يقدر يقول ما شاء

    وأنا مصر عندي أحب وأجمل الأشياء

    باحبها وهي مالكه الأرض شرق وغرب

    وباحبها وهي مرميه جريحة ف حرب

    باحبها بعنف وبرقة وعلى استحياء

    واكرهها وألعن أبوها بعشق زي الداء

    واسيبها واطفش في درب وتبقى هي ف درب

    وتلتفت تلاقيني جنبها في الكرب

    والنبض ينفض عروقي بألف نغمة وضرب

    على اسم مصر


    مصر النسيم في الليالي وبياعين الفل

    ومرايه بهتانة ع القهوة - أزورها - واطل

    القى النديم طل من مطرح منا طليت

    والقاها برواز معلق عندنا في البيت

    فيه القمر مصطفى كامل حبيب الكل

    المصري باشا بشواربه اللي ما عرفوا الذل

    ومصر فوقفي الفراندة واسمها جولييت

    ولما جيت بعد روميو بربع قرن بكيت

    ومسحت دمعي في كمي ومن ساعتها وعيت

    على اسم مصر


    مصر السما الفزدقي وعصافير معدية

    والقلة مملية على الشباك - مندية

    والجد قاعد مربع يقرا في الجرنال

    الكاتب المصري ذاته مندمج في مقال

    ومصر قدامه اكتر كلمة مقرية

    قريتها من قبل ما اكتب اسمي بإيديا

    ورسمتها في الخيال على أبدع الأشكال

    ونزلت أيام صبايا طفت كل مجال

    زي المنادي وفؤادي يرتجف بجلال

    على اسم مصر

    النخل في العالي والنيل ماشي طوالي

    معكوسة فيه الصـور - مقلوبة وانا مالي

    يا ولاد أنا ف حالي زي النقش في العواميد

    زي الهلال اللي فوق مدنة بنوها عبيد

    وزي باقي العبيد باجري على عيالي

    باجري وخطوي وئيد من تقل أحمالي

    محنيه قامتي - وهامتي كأن فيها حديد

    وعينيا رمل العريش فيها وملح رشيد

    لكني بافتحها زي اللي اتولد من جديد

    على اسم مصر
    بقلم / صلاح جاهين
    مُشاطرة هذه المقالة على: diggdeliciousredditstumbleuponslashdotyahoogooglelive

    لا يوجد حالياً أي تعليق


      الوقت/التاريخ الآن هو السبت 17 نوفمبر 2018, 4:46 pm