موال الصبر
تاليف المنولوجيست: سيد قشقوش
أداء : الفنان الشعبي شفيق جلال
انا بعلم الصبر يصبر على حبيب جارنا
و بقول ياصبر صبرك حتى يجي في يوم جارنا
قال يا خوخ خانونا الحبايب و احنا لم خنا
قال يا نخل اخلى مكان و اسمع ما كان بينا
يا عود ريحان ريح قلوب سابق ريحوك هما
انا ندرن عليا يا دار لو عدنا كما كنا
قال ازوقك يا دار بالورد و الحنه
و اجيب قصاد عيني عزولي يشاهد البنا
يا قلبي اصبر دول اخرة عشرتك هما
__________________
خسيس قال للاصيل
موال لشفيق جلال
المؤلف ابن بورسعيد محمد التيجانى حمزه
ياخسارة الحر لما تغيره الأيام
يصفر لونه و يبقى عبرة الأيام
خسيس قال للأصيل تعالى أشتغل عندنا خدام
تاكل و تشرب و تبقى من جملة الخدام
ضحك الأصيل وقال عجبى عليك يا زمان
حوجتنى للخاين و إللى ما لوهـش أمان
أنا اطلع فوق جبل عالى ياكـلونى حدا و غربان
و لا يقــولوش الأصيل عند الخسيس خدام
--------------------------------
الموال ده كانت بتقوله الفنانه الأسكندرانية بدرية السيد الشهيرة ب" بداره "
قولي يا بدارة
يا حلو قوللي علي طبعك وانا امشي عليه
الحب بدعة ونار والعة وانا امشي عليه
علمني طبعك اطاوعك يا مني عيني
و اوصف طريق الهوا ليا وانا امشي عليه
طلعت فوق السطوح انده علي طيري
لقيت طيري بيشرب من قني غيري
زعقت من عزم ما بي وقلت يا طيري
قال لي زمانك مضي دور علي غيري
--------------------------------
__________________
قالوا إسمك.. قلت فخر
قالوا بيتـــك.. قلت قصر
قالوا شكلك بن أصل
فين بلادك قُلت مصـــــــر
لا يوجد حالياً أي تعليق